Forandring i planene

Eg er overraska over at ingen tok meg i å markere at Rambjøra var Grånebba i eit tidlegare innlegg. No har eg sjekka kartet, så da kan eg rette opp feilen :)

I dag hadde eg planer om å gå opp på Grånebba, men da eg hadde gått 1000 høgdemeter ombestemte eg meg. På dei siste 300 høgdemetrane var snøen blast bort og sidan det ikke er så artig å renne på ski der det er berre is og stein, syntes eg det var like greit å snu for å nyte nedkjøringa derfra. Og det vart ein nytelse, der snøen ikkje har blåst bort er det fint føre :)

Her er eit bilde tatt tilbake mot Smisetnebba (der eg tok det forige bildet), fine fjell! Det er ikkje berre på fjellet det blir forandring i planene.
Som mange veit hadde eg tenkt å stikke til Trondheim etter påske for å kjøre for Klæburuta, men det skal eg ikkje likevel.

Det er fleire grunner:
Eg har bestemt meg for å studere i Volda, og ikkje i Trondheim.
Eg kan ikkje bo der eg først tenkte å bo.
Det hørest for kjipt ut å vere i Trondheim om sommaren når det ikkje er studentar der, derfor hadde perioden eg kunna kjørt for Klæburuta vorte veldig kort...

Men det er ingen grunn for bekymring, eg har ei ny plan:
Nettbuss i Molde har tilbudt meg jobb, så da skal eg bo litt på Larsåkeren, litt i Lazy og litt på Buvang. Det vil funke for ein periode, eg trur faktisk det kan bli ganske fint :)